Nanortallip katersugaasivia Nanortallip illoqarfiata pisoqartaani kusanaqisumi nunaannarmi katersugaasivittut ippoq, illullu tamaani ittut amerlanersaat kater-sugaasiviup saqqummersitsivittut atorpai.

 N A N O R T A L I K

Niuertoqarfitoqaq nunaannarmi katersugaasivittut.
Niuertoqarfitoqqap eqqaa oqaluttuarisaanermik paarilluagaasumik takutitassa-qarpoq. Tamanna illoqarfiup nutaartaanit ungasiarpoq taamaattumillu  nutaanik sanaartorfigineqanngingajavissimalluni.  Taamaattumik niuertoqarfiulernerup nalaani illoqarfiup isikkorisimasaa akornuserneqarani isiginnaarneqarsinnaa-voq.    Sanaartorfigineqarsimanerata takutippaa qanga niuertoqarfiqalernermi qanoq aaqqissuusseriaaseq niuernermi illuutigisat umiarsualiviup eqqaaniitillugit.  Illut ilaat sananeqarnermikkut titartarneqarnermikkullu immikkut ittumik oqaluttuassartaqarput.  Niuernermi illuutit eqqaani nammineq illuliat arlallit takuneqarsinnaapput. Nammineq illuliat oqaluttuarisaanermi  pingaaruteqarput, tassa oqaluttuaramik qanga illoqarniarnikkut inuuniarnikkullu naammagittarnermik pissutsinik. Nanortallip Katersugaasivia illoqarfitoqqami nunaannarmi saqqummersitsiviliornikuuvoq, tamaani ilaatigut takuneqarsin-naapput illut issunit ujaqqanillu qarmakkat assilillugit illuliat,  tupeqarfiit, umiaq, umiaasivittaalu qulisaq qaanniviillu Qaannap Peqatigiiffiata atorsinnaasaa, qa-jartorluni kinngusaqattaarnermut sungiusarfik allunaariaqattaartarfik kiisalu ati-sanik amminit sanaanik sanatitsisimalluni kulturikkut takornarissanullu aaqqis-suusinerni atorneqartartunik.


Ammasarfik:

Aasaq
B-09, B-07, B-11, B-18, B-06, B-08, B-105, B-20, B-02,B-X:
Sapaat - sisamanngorneq
13:00 – 16:00

Ukioq
B-09, B-07, B-11:
Marlunngorneq, sisamanngorneq, sapaat
13:00 – 16:00


Nanortalik Museum
Postboks 90
3922 Nanortalik
Greenland

Phone: (+299) 61 34 06
E-mail: nanmus@kujalleq.gl

Nunap assinga pingaarnerusuinnarnik nalunaarsuiffik

B- 2, Nanortalimmi napparsimmaviit siullersaat, Arnarsuakkut illukuat, 1863-ip miss. napparneqarsimavoq ujaqqanik qammagaq qalialu pappialarsuialigaalluni, (aallaq-qaammut qalia qisuaqqersugaasimagaluarpoq). Iluarsaanneqarpoq 2002-2004-mi aamma 2011-mi.  Illu 27. december 2004 aallarnerfigalugu katersugaasiviulerpoq.  Tassani saqqummersinneqarput peqqinnissaqarfiup oqaluttuassartai aammalu ukiut ingerlanerini qatserinermi atortuussarsimasut.

B-7, niuertussap illugisimasaa, 1820-imi Sissarissumi napparneqarsimasoq, kingusin-nerusukkullu tassalu 1836-imi Nanortalimmut nuuneqarsimasoq. Illup sananeqaatai: Qisuit quassuttuut 20x40cm miss. qalia pappialarsuit ( qaliani sallilikkat qaleriiaarlugit sanaat pappialarsuaata ataaniipput ). Illussanik titartaasartumit Tunger Orkanger, Norge-miumit titartarneqarsimasoq.  Illu 1. august 1982-imiit katersugaasiviulerpoq.  Katersugaasiviup Katersugaatigisaannut saqqummersitsivittut atorneqarluni.

B-9, siullermik  niuertut  Illuattut  atorneqarpoq  sanasumit  P.A Cortzen-imit titartar-neqarsimasoq  1904-mi  napparneqarsimalluni.  Illup  titartagartaa  malillugu  illunik assinginik  Nuummi,  Aasianni  Upernavimmilu  illuliortoqarsimavoq.
Illu 2011-imi  katersugaasiviup  allaffiatut  katersugaasiviup saqqummersittagaanut saqqummersitsivittut atorneqalerpoq, Katersugaasiveqarfimmilu illunit qitiulluni.

B-11, aalisakkeriviusimasoq  qulineqarsimasoq  aalisakkanik saliiffiusimasumik. Aalisakkanik tarajorterineq toqqortuinerlu illup atorneqarneranut siunertaasimavoq.
Helge Bojsen Møllerimit titartarneqarsimasoq 1931-imi.  Illup sananeqaatai: Qisuit quas-suttuunik saanilersukkat qalialu pappialarsuialigaalluni ( aallaqqaammut qalia qisuaqqersugaasimagaluarpoq).  Illu 2006-imiit saqqummersitsivittut katersugaasiviullu toqqorsiviattut atorneqarsimavoq. Iluarsaanneqarpoq 2008-2009-mi.

B-20, qanga orsunik sialiviusimasoq, ujaqqanik qammarlugu sanaajusoq qalialu pappiliarsualersugaq 1839-imi napparneqarsimavoq. Illu 1987-ip aasaaneraniit katersugaasiviulerpoq. Tassani saqqummersinneqarput orsunik siatsilluni olie-liornermut atortuusarsimasut, soorlu igarsuit kanngussaat, orsunut kaavaammik (naqitsissummik), arfernik amusinermi sipili, nappartarujussuit orsuusiviit nappartallu assigiinngitsut allat  nappajallu atortorisarsimasai.

B-105, orsiiviusimasoq quiullunilu, ujaqqanik qammarlugu sanaajusoq qisunnillu isseqqaarissunik mikisunik qalialersugaq 1852-imi napparneqarsimavoq.   Illu 1990-ip aasaaneraniit katersugaasiviulerpoq.  Tassani qanga angallatit assigiinngitsut saqqummersinneqarput. Qaliani umiat piniarnermullu atortut.  Inimi allermi qaannat aamma immakkut angallannermi atortuusarsimasut allat.

B-8, taquassarsiniartarfiusimasoq 1837-imi napparneqarsimavoq, 1897-imilu niu-ertarfittut aaqqissuuneqarsimalluni. Illu qisunnik sanaajusoq, qisunnik mikisunik isseqqaarissunik qalia ilanngullu qallerneqarsimavoq.  Illu 1990-ip aasaaneraniit katersugaasiviulerpoq. Massakkut illu saqqummersitsivittut atuuppoq, 1921-imi Poul  Nørlund-ip Ikigaani assaanera pillugu saqqummersitsiviulluni.  Tassanissaaq saqqummersinneqarput assaanermi nassaarineqarsimasut qaallunaatsiaat atisaat assilillugit mersortinneqarsimasut.   Nanortallip Kommuuniani qallunaatsiaat illukui nassaassaapput ilaatigut Ikigaani, Herjolfsnæs - Ketilsfjoden, Tasermiuni - Alptafjorden, Sermilimmi Kujallermi - Hrafnsfjorden, Uunartup Kangerluani - Siglufjorden, Alluitsup Kangerluani.  Inilu qinngorleq  Nanortallip   Kommuniani savaateqarneq  pillugu saqqummersitsiviulluni.B-122, qanga savaasaasiviusimasoq 1840-imi napparneqarsimavoq  ujaqqanik qammagaq, qisunnik isseqqaarissunik mikisunik qalialersugaasimalluni,  massakkulu pappiliarsualersugaalluni. Illu 1990-imiit katersugaasiviup toqqorsivittut sannavittullu atorpaa.

B-18, qanga sulisunut inissiaasimavoq /radioqarfiusimasorlu  1847-imi napparneqarsima- voq, ujaqqanik qammagaq  qalialu  pappialarsualigaalluni ( aallaqqaammut qalia qisu-     aqqersugaasimagaluarpoq).
Illu 1990-imiit 1996-mut katersugaasiviup allaffiatut  toqqorsiviatullu atorneqarpoq. 1998-imiillu teknikkimut tunngasunut saqqummersitsivinngorpoq.

B-6, iffiorfiusimasoq, 1860-imi napparneqarsimavoq ujaqqanik qammarlugu sanaajusoq,  sanaqqaarnerani  qalia qisunnik mikisunik isseqqaarissunik  qalligaasimagaluarpoq, massakkullu pappiliarsualersugaalluni.
Illu 1.august 1992 aallarnerfigalugu katersugaasiviulerpoq. 
Tassani saqqummersinneqarput qanga iffiornermut atortuusarsimasut, pingaarnerutillugit iffialiorfitoqqap atortorisimasai ukioq 1969 tikillugu atortuusimasut.

X-Illuaraq issunik ujaaqqanillu qammagaq  21. juni 1989-imi atoqqaartinneqarpoq.
Illuaraq atuartunit annernit  paasisitsiniaanermi ilinniartitsisuminnik suleqateqarlutik
sanaaraat. Pilersaarusiornerani peqataapput ilinniartitsisunngorniaq aammalu utoqqaat
illuarmiut. Inaarsarnerani katersugaasiviup pisortaa peqataasimavoq.
Illuaqqap sananeqarneranut atatillugu suliat tamarmik akeqanngitsumik suliaapput, atornikunik atortulersornikkut, taamaallaat pappialarsuarnut kikiannullu akissaajaa-teqaminertoqarpoq.
Illuaqqap iluata suliarinerani inuit soqutiginnittut siunnersuutaat malinneqarput.
Tassa imaappoq pigisat tamarmik maanimiunit tunniussaapput.

B- 21, napparsivitoqaq, qalia  Nanortalimmi  niuertarfiit  siullersaat, 1848-imi nappar-neqarsimavoq ujaqqanik qammarlugu sanaajusoq qalialu pappiliarsualersugaq     
 ( aallaqqaammut qalia qisuaqqersugaasimagaluarpoq ).
Illu 1996-imi julimiit katersugaasiviup allaffiatut toqqorsiviatullu atulerpoq,  massakkut toqqorsivittut saqqummersitassanillu suliaqarnermi sullivittut atorneqarpoq.